Həsən paşa küftəsi

Həsən Paşa küftəsi -sürpriz qonaqlarınıza bişirə biləcəyiniz ən operativ yemək tərifidir. Zəngin görünüşü süfrənizi bəzəyəcək, ləzzətindən isə hər kəs məmnun qalacaq.

4 nəfərlik Bişirmə müddəti 20-25 dəqiqə

İçindəkilər:

• 500 qr qiymə (2 dəfə çəkilmiş)


• 2 dilim bayat çörək içi


• 1 soğan


• 2 yumurta


• 3-4 kartof


• 3 şorba qaşığı duru yağ


• 2 şorba qaşığı süd


• Duz


• Qara bibər

Hazırlanması:

Çörək içini isladıb sıxın və ovun. Soğanı sürtkəcdən keçirin. Qiymənı bir qaba alıb çörək içi, soğan, 2 yumurta, duz, qara bibər əlavə edərək yaxşıca yoğurun.

Hazırladığınız küftə xəmirindən yumurta böyüklüyündə parçalar ayırıb yuvarlayın. Astaca üzərinə basaraq yastılaşdırıb, ortasında çuxur açın. Fırın sinisini 1 qaşıq yağla yağlayın. Küftələri yağlanmış siniyə düzüb üzərlərinə 2 yemək qaşığı duru yağ gəzdirin.

Öncədən isidilmiş 190 dərəcəlik fırında 20-25 dəqiqə bişirin. Kartofları qaynadıb qabığını soyun. Çəngəllə əzərək püre halına gətirin. Süd və duz əlavə edib yaxşıca qarışdırın.