Pendirli pomidor səbəti

Xanim.net Sizə, Pendirli pomidor səbətinin hazırlanma qaydasını təqdim edir.

Ərzaqlar:

• * 12 boy kiçik pomidor


• * 150 qr pendir və ya kəsmik


• * 2 təzə soğan


• * 3-4 budaq cəfəri


• * 10 qara zeytun


• * 2 şorba qaşığı zeytunyağı


• * Duz

Hazırlanması:

• Pomidorların başını qapaq şəklində kəsib içini qaşıqla çıxarın. Xidmət qabında düz dayanması üçün alt qisimlərindən də bir az kəsin.


• İçlərinə duz səpib suyunun süzülməsi üçün tərsinə çevirib 5 dəqiqə gözlədin.


• Təzə soğanları təmizləyib doğrayın. Cəfərinin bir neçə budağını bəzəmək üçün ayırıb qalanını xırda doğrayın.


• Zeytunların tumlarını çıxarıb dilimləyin.


• Pendiri bir kasaya töküb çəngəllə yaxşıca əzin.


• Soğan, cəfəri, zeytun, zeytun yağını əlavə edib qarışdırın.


• Hazırladığınız qarışığı pomidorların içinə paylaşdırıb, ayırdığınız cəfəri yarpaqlarıyla bəzəyin və xidmət edin.