Arıqladan və gözəlləşdirən salat resepti

Xanımlar hər zaman formada qalmağa və təravətlərini qoruyub saxlamağa səy göstərirlər. Bunun üçün müxtəlif pəhrizlərdən, gözəllik məmulatlarından istifadə edirlər. Xanım.net bu dəfə Sizə kalori dəyəri aşağı olan, artıq çəki probleminə yardımçı olacaq, eyni zamanda tərkibindəki məhsullarla qidalandıracaq dadlı salat reseptini təqdim edir.

Tərkibi:

• 150 q kəsmik


• 300 q çuğundur


• 50 q şüyüd


• 50 q cəfəri


• 50 q xırdalanmış qoz


• 3-4 x.q. zeytub yağı


• 1 soğan


• 2 bişmiş yumurta


• duz


• zirə - istəyə görə

Çuğunduru yuyub bişirin. Sürtgəcin orta gözündən keçirin. Soğanı, cəfəri və şüyüdü xırda doğrayın.Yumurtaları xırda kub şəklində doğrayın.

Kəsmik, yumurta, soğan, qoz, göyərtini qarışdırın, zövqə görə duz və zirə əlavə edib qarışdırın.

Boşqaba çuğunduru düzün. Üzərinə 1-2 qaşıq zeytun yağı əlavə edin. Kəsmikli qarışığı üstünə çəkin. Üzərinə xırda doğranmış göyərti əlavə edin.